Nou ja, hier in my kontrei is reeds 'n paar plase op die ope mark aan die Republiek van SA verkoop. Vir die transaksie het daar 'n "agent" van J'burg gekom, 'n prys (redelik markverwant) met die boer onderhandel, en DAN sy buitensporige KOMISSIE by die prys gelas waarvoor die eienaar verantwoordelik is met die bekragtiging van die koop. Mnr. Nkwinti, haak eerder hierdie wa van die soustrein af, sny die "agent" uit, en jy sal 'n derde meer grond op die ope mark bekom. Steur jou ook aan Dr. Pieter Mulder se politiek onkorrekte navraag. Julle demografiese standaard vir regstelling laat my dink aan die Hitler se "jode probleem" net omdat hul ywer en vernuf die ariese ras sleg laat lyk het.

Ek wil anoniem bly omdat ek baie plaaswaardasies vir munisipaliteite doen in groot dele van die land. Die Minister het ongelukkig die kat aan die stert beet oor die Staat wat dan nou kwansuis 'n verpligte koper is. Indien 'n waardeerder sy sout werd is en sy professionele integriteit voorop stel sal die staat net betaal wat die markprys is: dieselfde waarde as enige ander persoon wat die grond wou koop m.a.w. gewillige verkoper en verkoper. Hierdie beginsel is al vir jare in ons howe vasgevat met onteienings waar dit baie duidelik gestel word dat die Staat of onteieningsliggaam en dit waarvoor die grond onteien word NIE in berekening gebring moet word nie. Omdat daar nou 'n klomp "on-etiese" waardeerders was wat gedink het die hulle kan die Staat melk en myns insiens 'n hulpelose Departement wat nie sy werk kan of wil doen nie en wanneer daar getender word vir hierdie werk die goedkoopste prys ongeag aanvaar en dan die vrot vrugte pluk. 'n Behoorlike waardasie ondersoek en verslag vir hierdie tipe van werk is lank en intensief en definitief nie goedkoop nie juis a.g.v. die omstredenheid wat kan ontstaan.

Die basis is reeds gele vir die onteiening van landbougrond. Daar is min twyfel dat dit tot nadeel vir voedselsekuriteit sal lei. Die onbesonne toename in elektrisiteit en diesel pryse is myns insiens net nog 'n deel van die uitwissing van die georganiseerde landbou in sy huidige formaat. Ek eil net graag weet- was al die grond wat kwansuis "gesteel" is ten volle ontwikkel met boorgate, heinings, geboue en implemente?

Dankie mnr Nkwinti vir jou eerlikheid. Nou weet die hele land uiteindelik wat bedoel word as gese word die beginsel van gewillige koper/verkoper werk nie. Probleem is egter dit: Daar is ooreengekom op 'n model van gewillige koper/verkoper om almal, insluitend die witman, gelukkig te hou.(Onthou die grootste % van wit boere wat tans boer het hulle grond op die ope mark gekoop en kan nie gestraf word vir foute van die verlede nie) Hierdie uitspraak van jou beteken egter dat julle teruggaan op julle woord soos ooreengekom toe die onderhandeling vir die oorname van wit na swart(nuwe SA) plaasgevind het. Vraag is nou dit: Kan julle dan enigsins verder vertrou word want dit is duidelik dat julle nie gelukkig sal wees tensy julle die wit boere kan "seermaak" vir die foute van die verlede nie. Geskiedenis het gewys jy kan nie foute regmaak deur die voorheen bevoordeeldes nou die minder bevoordeeldes te maak nie want dan skep jy net weer probleme vir jouself en herhaal die geskiedenis hom weer vir nog 'n geslag of 3....