Luidens ’n berig op News24.com sê dr. Grant Lindsay, mnr. Graeme Anderson se geneesheer, hy het duidelikheid oor Anderson se toestand gekry ná ’n Spect-skandering gedoen is.

Lindsay was verlede week nog baie hoopvol oor Anderson se vordering ná hy toe sowat vier weke lank in ’n koma was. Anderson was die eerste Suid-Afrikaner wat met die Milwaukee-metode vir dié siekte behandel is. Daarvolgens is hy vir twee weke onder verdowing in ’n koma geplaas sodat sy liggaam die siekte kon beveg.

Ná die verdowing gestaak is, bepaal die metode dat die pasiënt 21 tot 29 dae later uit die koma sal wakker word.“Sy familie sal die masjiene (waaraan Anderson gekoppel is sedert hy in ’n koma geplaas is) moet laat afsit,” aldus Lindsay.

Speeksel
Anderson het die gevreesde siekte opgedoen ná ’n rondloperhond, wat dit onder lede gehad het, hom gelek het. Volgens Lindsay het Anderson die hond opgetel om na sy plaas te vervoer om aan ’n vriend te gee.

Anderson was ’n kranige kanovaarder. Volgens die berig is 125 gevalle van hondsdolheid in KwaZulu-Natal aangemeld. Twee mense het reeds gesterf sedert die uitbreking in die provinsie voorkom.

Bron: News24.com