In die grensgebied vanaf QwaQwa tot by Caledonspoort, ‘n afstand van ongeveer 60km, is ek die enigste kommersiële grensboer vir 40 jaar al. Lt kol Steyn se verklaring oor die SANW se doelwitte stryk nie met dit waarmee die huidige weermaglede hul in die gebied besig hou nie en ook nie met wat Steyn my op die 18e Junie telefonies meegedeel het nie. Sedert die huidige groep hier is, het hulle 1x ‘n padblokkade opgestel, 4 kilometer vanaf die grens op ‘n sekondere teerpad wat my eiendom verdeel. Dieselfde oggend word ‘n klompie Lesotho vroue ‘n saamrygeleentheid op ‘n SAMIL gegee en word sommiges by die blokkade afgelaai en ander 200 meter verder by die Maloti Roete. Hier word hulle deur ‘n ligte aflewerings voertuig na Fouriesburg opgelaai. Gedurende die week van 19 Junie 2012 vergesel ek mnre Koos du Plessis van dept Landbou tydens ‘n opname oor die grenspad en heining en gedurende die tyd, kom ons nie ‘n enkele weermaglid of voertuig teë nie. Al beweging wat deesdae gesien word op die toeriste roete tussen Fouriesburg en Clarens, is ‘n SAMIL watertenker asook ‘n SAMIL 20. Op 28 Junie word ‘n aantal Lesotho burgers by die Beginsel meule deur weermaglede “gearresteer” (sonder SAPD) en na Fouriesburg polisiestasie gebring. Die polisie wou nie vervolg nie en word die “gearresteerdes” vrygelaat by Caledonspoort. Tydens my telfoongesprek op 18 Junie met Steyn, beweer hy dat: 1.) sy soldate opdrag het om net Engels te praat aangesien dit die amptelike landstaal is. Of hulle die taal magtig is, is blykbaar nie belangrik nie; 2.) Boere (landbouers) se voertuie moet deursoek word aangesien die Boere (landbouers) smokkel; 3.) en dat hy wat Steyn is die doodstraf heringestel het daar sy soldate opdrag het om op die Boere te skiet indien die Boere nie aan hulle gehoorsaam is nie. Tydens vorige skietvoorvalle het troepe hul bevelvoerders geskiet. Tydens een van die voorvalle het die bevelvoerder met sy lewe betaal en in ‘n ander insident is die bevelvoerder onherroeplik geskend. Sedert die huidige groep hier ontplooi is, is daar ‘n toename in veediefstal. Hulle geniet egter tans die dames van Kgubetswana se geselskap en kan ek ongehinderd voortgaan met my werk.

Vandag, bietjie meer as ses maande na my vorige kommentaar, is die veiligheidsmagte se onvermoë om misdaad en onwettige grenskruisings te beheer, bevestig. Die onlange skietvoorval waarin twee lede van die leierskorps hul lewens verloor het, die derde voorval hier aan die grens met Lesotho, beklemtoon dat die troepe onopgelei en ongedissiplineerd is. Hulle word hier losgelaat met skerppunt ammunusie en elkeen doen wat hy wil. Die groepe wat die afgelope jaar hier diens gedoen het, het meer skade as goed gedoen aan de grensboere vir wie hulle veronderstel is om van hulp te wees. Diegene wat namens die grensboere besluit het dat die SANW op ons grond ontplooi moet word, moet hulle liewer op hul plase huisves sodat hulle hul kan vergewis van die arrogansie van 'n klomp gewapende en ongedissiplineerde troepe onder swak bevel