’n Beter vraag en ’n swakker rand het daartoe bygedra dat pryse op die tweede veiling van die seisoen ietwat verbeter het en Cape Wools se Merino-aanwyser het met 1,2% tot R88,41/kg (skoon) gestyg.         

Lang vagwol van gehalte was goed in aanvraag, maar fynwol sukkel steeds om op dreef te kom en pryse vir dié tipes was laer, vergeleke met die vorige veiling.        

Die rand het 2,7% van sy waarde teenoor die Amerikaanse dollar verloor vergeleke met die gemiddelde koers op die vorige veiling, terwyl dit ook 4,7% swakker teenoor die euro was.            

Altesame 7 694 bale is aangebied, waarvan 98% verkoop is. Dit was heelwat hoër as die verkooppersentasie van 88% wat op die vorige veiling behaal is. 

Die gemiddelde skoonwolpryse van lang, kamwoltipes (MF5) van gehalte was soos volg: 18 mikron daal met 0,6% tot R99,36/kg, 19 mikron verswak met 0,9% tot R94,28/kg, 20 mikron was 0,6% duurder op R92,75/kg, 21 mikron styg met 1,1% tot R92,31/kg, maar 22 mikron verswak met ’n geringe 0,4% om op R91,81/kg te sluit.   

Sowat 8 000 bale wol kom volgende week onder die hamer.