Wolpryse het vir ’n tweede agtereenvolgende week skerp gestyg en Cape Wools se Merino-aanwyser het met 4,5% tot R101,19/kg (skoonwol) verbeter. Dit is bykans 15% hoër as die openingsveiling en verteenwoordig ’n styging van 7% vergeleke met dieselfde veiling verlede seisoen.

Die styging kan hoofsaaklik toegeskryf word aan beter vraag, ’n stewige styging in Australiese pryse en ’n effense swakker rand.          

Die aanbod van 9 272 bale was heelwat groter as wat die afgelope paar weke aangebied is, maar ’n hoë verkooppersentasie van 99% is aangeteken. 

Die pryse van alle lang vagwol het met tussen 3% en 5% gestyg. 

Die gemiddelde skoonwolpryse van lang, kamwoltipes (MF5) van gehalte was soos volg: 18 mikron was 3,4% duurder op R110,61kg, 19 mikron verbeter met 4,6% tot R106,28/kg, 20 mikron styg met 4,9% tot R101,38/kg, 21 mikron was 3,6% duurder op R99,09/kg en 22 mikron verbeter met 3,9% om op R97,25/kg te sluit.      

Sowat 7 000 bale sal volgende week aangebied.