Nuwe bloutong in Brittanje

'n Nuwe stam van bloutong - BTV1 - is in Brittanje gevind, maar daar is geen bewyse dat die besmetting versprei het nie, sê dié land se departement van landbou en die omgewing.

Vyf besmette diere is van die suidwestelike gebied in Frankryk na 'n plaas in Blackpool, Lancashire, ingevoer. Die beweging van diere in dié deel van Frankryk word reeds beheer weens bloutong, maar die invoerder het die Europese Unie (EU) se reëls oor die siekte nagekom. Die beeste is geslag en die Blackpool-perseel is afgebaken vir verdere toetse.

Altesame 148 plase in Engeland en Wallis is reeds deur 'n ander stam van die siekte - BTV 8 - besmet, maar dit is die eerste BTV1-besmetting in Brittanje. Geen ander gebiede is tans onder kwarantyn nie.

Bron:

AFP

Feedstuffs

BBC

26 November 2008