Nuwe landbou-LUR vir Vrystaat

Die Vrystaat gaan binnekort 'n nuwe LUR vir landbou hê nadat mnr. Neo Masithela die pos ontruim om as politieke raadgewer vir mnr. Playfair Morule, die nuwe burgemeester van die Mangaung-munisipaliteit, te werk.

Luidens 'n berig in Volksblad is daar in die binnekringe van die ANC beweer dat mnr. Khotso Sesele, voorsitter van die wetgewerskomitee vir onderwys, sport, kuns en kultuur, die nuwe LUR vir die landbou sal wees.

Die veranderings word gemaak om die "chaos in die Mangaung-munisipaliteit reg te ruk".

Bron:
Die Volksblad

11 November 2008