Obama wil subsidies sny

"In dié begroting sal ons regstreekse betalings staak aan agribesighede wat dit nie nodig het nie," sê pres. Barack Obama van Amerika. Hy sê sowat $2 triljoen word gemors weens onder meer regstreekse betalings aan groot boerderye.

Mnr. Ferd Hoefner van die Amerikaanse nasionale landboukoalisie sê Obama se bewoording in dié opmerkings is verwarrend. Daar is 'n soort plaassubsidie was as "regstreekse betaling" bekend staan, maar dié term verwys ook na alle soorte geldelike steun wat die Amerikaanse regering as kontant uitbetaal. Die eersgenoemde subsidies word betaal sonder dat die boerderye se winste of graanpryse in ag geneem word.

Amerikaanse graan- en suiwelsubsidies kan vanjaar tot $7,5 miljard beloop en twee derdes daarvan is in die vorm van regstreekse betalings. "Vanuit ons oogpunt is dit 'n welkome verandering in landboubeleid," sê mnr. Jim Lyons van Oxfam America. Hy meen hoë subsidies vir Amerikaanse boere benadeel kleiner produsente wêreldwyd.

Bron:

Fin24.com (Fin24.com)

Reuters (Reuters)

25 Februarie 2009