Ontmoet Andries

Andries (35) van Vryburg in Noordwes boer met aartappels, uie en beeste. Foto: VERSKAF

Andries (35) van Vryburg in Noordwes weet nie net iets van aartappels, uie en beeste nie, maar hy het beslis ’n romantiese sy aan hom.

Hoekom moet vroue vir jou briewe skryf?

Ek wil ’n vrou uit die reeks kry, ek is op soek na ’n lewensmaat. Ek kan die plaaslewe bied vir ’n vrou wat daarin belang stel.

Wat sien jy as sexy of aantreklik in ’n vrou?

Ek het nie eintlik ’n “tipe” nie. Chemistry tussen twee mense is iets wat baie keer net gebeur. Ek hou egter van ’n saggeaarde vrou met ’n sin vir humor.

Gaan jy elke liewe brief lees wat jy ontvang en wat dink jy sal jou oog vang in ’n brief?

Ek sal beslis elke brief lees. Ek gaan nie kyk na hoe mooi die brief of handskrif lyk nie; die uiterlike is nie vir my belangrik nie. Wat sy skryf, is baie belangriker as hoe die brief lyk.

Wat maak van jou goeie kêrel-materiaal?

Ek is ’n eerlike ou met ’n goeie sin vir humor.

Vertel ons iets van jouself wat niemand anders weet nie?

Ek hou nie daarvan om sulke vrae te beantwoord nie!