Ontmoet Cliffed

Cliffed kom vanaf Vivo in Limpopo waar hy met aartappels, pampoen en wild boer.

Cliffed kom vanaf Vivo in Limpopo waar hy met aartappels, pampoen en wild boer. Die vrou vir hom is eerlik, opreg en spontaan. Sy het ook 'n sagte persoonlikheid.

Hoekom moet vroue vir jou briewe skryf?

Ek soek ’n vrou wat my op die plaas kan bystaan en saam met my kan werk. Ek kan vir haar liefde en sekuriteit bied. Dit sal ’n goeie lewe vir haar op die plaas wees.

Wat maak van jou goeie kêrel-materiaal?

Ek dink ek is ’n liefdevolle, eerlike en lojale mens. Ek is hardwerkend, as dit by verhoudings en my werk self kom.

Wat kan vroue van die lewe op die plaas verwag?

Die lewe is nie altyd maklik op die plaas nie, maar ek glo tog sy sal dit geniet. Ek kan die plaaslewe vir haar lekker maak. Dit hang alles af wat sy self ook daarvan maak.

Wat dink jy sal jou oog vang in ’n brief?

Ek dink die brief wat my oog sal vang, is die een waarin die vrou haar persoonlikheid goed beskryf. Ek is opsoek na ’n plat op die aarde mens, sy moenie onrealistiese verwagtinge hê nie. Dus ’n doodgewone vrou, dieselfde tipe mens as ek.

Vertel ons iets van jouself wat niemand anders weet nie?

Daar is nie so iets nie!

23 Mei 2011