Ontmoet Van Zyl

Van Zyl (33) boer met wolskape en vleisbeeste naby Richmond in die Noord-Kaap.

Van Zyl (33) boer met wolskape en vleisbeeste naby Richmond in die Noord-Kaap.

Hoekom moet vroue vir jou briewe skryf?

Ek is al ’n ruk lank alleen en ek is nou reg om ’n maat te kry. Ek kan vir ’n vrou baie liefde en sekuriteit bied. Ek sal ’n goeie maat wees vir haar.

Is dit regtig so moeilik om ’n vrou op die platteland te kry?

Ja, dit is nogal moeilik. ’n Boer is maar besig, so jy is nie altyd beskikbaar nie. Omdat jy op die plaas is en nie naby mense nie, is dit nie maklik om nuwe meisies te ontmoet nie. Jy moet ook meeding met ander ouens wat haar dalk meer gereeld en makliker kan sien.

Gaan jy elke liewe brief lees wat jy ontvang en wat dink jy sal jou oog vang in ’n brief?

Ek gaan beslis elke brief lees! Ek gaan ook familie en vriende vra om hul mening te lug. Dit is nogal ’n moeilike ding om volgens ’n brief te oordeel; ’n mens moet eintlik tussen die reëls lees. Ek gaan ’n bietjie dieper kyk om agter te kom of sy vir die ‘‘show’’ skryf of vir my.

Wat kan vroue van die lewe op die plaas verwag?

Dit sal nie altyd maanskyn en rose wees op die plaas nie, maar ’n mens moet na mekaar kan kyk. Sy sal die eerste prioriteit vir my wees omdat sy by my op die plaas sal kom bly. Die lekker tye sal opmaak vir die opoffering.  Ek sal my alles vir haar gee. Die gemeenskap en vriende in die omgewing is ook ’n lekker aspek van die plaaservaring.

Is jy romanties, en hoe sal jy jou vrou of meisie bederf?

Ek is seker nie regtig romanties nie, maar op my eie manier probeer ek ’n vrou spesiaal laat voel. Ek sal haar saam met my in die natuur invat en daar iets lekker vir haar doen. Ek sal hard werk om haar hart te leer ken en vir haar goed te doen waarvan sy hou en wat haar spesiaal laat voel.

24 Mei 2011