Jagters bly oor uitspraak

Die georganiseerde jagbedryf het sy "groot tevredenheid" uitgespreek oor die uitspraak dat vuurwapenlisensies wat ingevolge die vorige vuurwapenwet uitgereik, steeds geldig bly.

Uitspraak is op Vrydag, 26 Junie 2009 in die Noord-Gautengse afdeling van die Hoogeregshof gelewer in die aansoek van die SA Jagters- en Wildbewaringsvereniging (SAJWV) teen die Minister van Veiligheid en Sekuriteit dat vuurwapenlisensies wat ingevolge die vorige Vuurwapenwet (1969) uitgereik, steeds geldig bly, stem die georganiseerde jagbedryf tot groot tevredenheid.

Luidens 'n nuusverklaring van die SAJWV het die hof 'n tussentydse interdik uitgereik wat sal geld tot die hoofaansoek om die grondwetlikheid van die oorgangsbepalings, soos vervat in die Wet op die Beheer van Vuurwapens (Wet 60 van 2000), beslis is. In die hoofaansoek sal die hof uitspraak moet lewer of die grondwetlike beginsels ten opsigte van die beskerming van private eiendom, die beginsel teen kriminele vervolging, asook billike administratiewe prosedures nagekom is.

Die SAJWV se dringende aansoek het 'n bydrae daartoe gelewer dat duisende Suid- Afrikaanse wettige vuurwapeneienaars nie na 30 Junie 2009 krimineel vervolg kan vir die onwettige besit van vuurwapens nie.

Luidens die SAJWV is die uitspraak is 'n oorwinning vir die wetsgehoorsame vuurwapeneienaars. Daar is tydens die hofaansoek onvoldoende bewys gelewer dat wettige vuurwapens en veral jagwapens tydens misdaad gebruik word en die besit daarvan gevolglik beperk moet word nie.

Die toetrede tot die hofsaak van die Professionele Jagtersvereniging (Phasa) asook die SA Vuurwapen- en Ammunisieversamelaarsvereniging het die SAJWV se saak beslis versterk. Jarelange samewerking met ander geakkrediteerde jagtersverenigings en hul insette op die Jagtersforum het die SAJWV in staat gestel om sinvol die jagbedryf se belange te verstaan en te help beskerm.

Kortliks beteken die hofuitspraak vir die vuurwapeneienaar die volgende:

• Bestaande groen lisensies (uitgereik ingevolge die ou Vuurwapenwet van 1969) bly geldig tot afhandeling van die hoof-hofsaak.

• 'n Vuurwapeneienaar kan gevolglik vanaf 1 Julie 2009 nie krimineel vervolg word omdat hy 'n wapen met bestaande lisensie besit nie, maar dit geld net tot die hoofhofsaak beslis is.

• Dit is nie meer nodig om aansoek te doen vir Artikel 21, tydelike magtigings nie.

• Bergingspermitte wat ná 30 Junie 2009 nog geldig is, bly geldig tot die vervaldatum daarvan.

• Daar is geen noodsaak om vuurwapens vóór 30 Junie 2009 vir bewaring of vernietiging by die SAPD in te handig nie.

• Indien 'n vuurwapeneienaar nie aansoek gedoen het vir die herlisensiëring van sy vuurwapens nie, moet dit gedoen word nie later as 30 Junie 2009 nie. Sodanige laat aansoek kan slegs gedoen word in gevalle waar die applikant siek, of in die buiteland of weens omstandighede buite sy beheer nie betyds ingedien kon word nie.

Wettige vuurwapeneienaars mag dus hulle vuurwapens gebruik tot tyd en wyl die hoofhofsaak beslis is en die "ou groen lisensie" is voldoende bewys van wettige besit.

Navrae:

George Nell (082 772 9290)

Dr. Herman Els (083 294 7503)

29 Junie 2009