Nuwe bos-ammo van PMP

'n Nuwe reeks jag-ammunisie vir bostoestande, African Elite, is deur PMP in Pretoria bekend gestel.

Dit is die eerste nuwe reeks patrone wat in sestien jaar op Suid-Afrikaanse bodem vervaardig word.

Die reeks bestaan uit die vier gewilde boskalibers wat in Suid-Afrika gebruik word in toestande waar jagters merendeels in bosveldtoestande met effens swaarder koeëls oor korter afstande skiet.

Die kalibers is die .375 H & H Magnum 300 gr, .300 Winchester Magnum 200 gr, .30-06 Springfield 180 gr en .308 Winchester 180 gr. Die ammunisie word gelaai met Swift A-Frame koeëls wat van Amerika ingevoer word.

10 November 2008