Appel-en-lemoentert

Meng meel, bakpoeier en suiker saam. Vryf botter liggies in tot krummelrig. Klits eier, melk en geursel saam en voeg by droë bestanddele. Meng tot sagte deeg en hou eenkant. Rasper oranje skil van lemoene fyn af. Skil lemoene tot teen vleis en sny segmente uit. Werk oor bak om sap op te vang. Hou segmente eenkant en voeg brandewyn en lemoenskil by lemoensap.

Smeer koekpan van 22 cm goed met botter. Smelt suiker in ’n pannetjie en laat karameliseer. Giet suiker egalig in gesmeerde koekpan en rangskik lemoensegmente in ’n patroon op karamel. Rasper appels bo-oor en sprinkel lemoenskil, asook lemoensap-en-brandewynmengsel, oor appels. Sit deeg bo-oor alles en druk liggies vas. Bak vir 35-40 minute tot deeg goudbruin is. Laat afkoel en sit voor met geklopte room en brandewynsous (opsioneel).

Lewer 8 porsies.

Landbouweekblad, 30 Julie 2010