Avo-en-spek-burgers

Tamatiesous: Braai die uie in die olie tot sag en deurskynend. Voeg die knoffel by en braai vir ’n minuut of twee. Voeg die tamaties en pikantrissies by en verhit tot kookpunt. Geur met sout, peper en suiker en laat prut tot die sous dik en geurig is. Laat afkoel tot kamertemperatuur en bêre in die yskas. Maak die sous warm voor jy dit op die burgers skep.

Burgers: Sny die rolletjies oop en smeer met botter. Braai die spek in ’n droë pan tot gaar en bros (of rooster dit in die oond). Braai die eiers in dieselfde pan tot gaar na jou smaak. Sit ’n paar slaaiblare op elke rolletjie, gevolg deur ’n paar skywe avokado, ’n paar stukkies spek, ’n eier en ’n skep van die louwarm, pikante tamatiesous. Maal swartpeper oor en sit dadelik voor. 

Lewer 6-8 porsies.

Landbouweekblad, 11 Junie 2010