Beesfiletskywe met kruie

Geur die filet goed met seesout en vars gemaalde swartpeper. Verhit die helfte van die olie in ’n groot pan tot baie warm en seël die vleis tot egalig goudbruin. Meng ál die kruie op ’n groot dienbord.

Haal die filet uit die pan en rol dit in die kruie. Laat staan eenkant tot net voor ete. Voorverhit die oond tot 180 °C. Sit die filet in ’n oondbak en druk al die kruie bo-op vas. Geur weer met sout en peper. Meng die balsamiese asyn en heuning goed en giet bo-oor die vleis.

Oondrooster vir sowat 15-20 minute of tot die vleis gaar is na smaak. Haal uit en laat rus vir vyf minute. Sny in skywe en sprinkel die tiemietakkies oor. Lewer agt porsies.

9 Januarie 2012