Beskuit met suurlemoenstroop

Voorverhit oond tot 180 °C en smeer ’n oondpan van 34 x 25 cmmet botter. Meng meel, sout, bakpoeier en sonneblomsaad saam en hou eenkant. Verroom die botter of margarien en suiker saam.

Voeg die eiers, melk en asyn en suurlemoenstroop by en klits goed. Meng met die droë bestanddele en skep in die voorbereide oondpan. Bak vir ongeveer 45 minute tot gaar. Skakel die oond af en laat staan die beskuit vir ’n verdere 15 minute in die warm oond. Haal uit en laat afkoel.

Sny die beskuit in vingers met ’n elektriese mes en droog oornag uit. Lewer sewe dosyn beskuit.

NOTA: Vir suurlemoenstroop
Meng skil, sap en fyngerasperde skil van 6 suurlemoene,
1 pakkie sitroensuur,
1 pakkie wynsteensuur,
1 pakkie Engelse sout,
12 x 250 ml (12 k) witsuiker en
3 liter kookwater tot die suiker gesmelt is.

Gebruik 250 ml vir die beskuit en maak die res aan met yswater óf sodawater as koeldrank. As jy nie die stroop sélf wil maak nie, soek tuisgemaakte suurlemoenstroop by uitgesoekte winkels of spesialiteitswinkels.

26 April 2011