Geroosterde botterskorsieslaai
Geroosterde botterskorsieslaai. Foto: VERSKAF
Bestanddele
1 middelslag-botterskorsie, geskil, ontpit en in dun skywe gesny (660 g wanneer geskil)
1 rooi soetrissie, ontpit en in breë repe gesny
30 ml (2 e) olyfolie of kanola-olie
30 ml (2 e) vars suurlemoensap
60 ml (1/4 k) kookwater
5 ml (1 t) paprika
5 ml (1 t) fyn komyn
2,5 ml (1/2 t) fyn koljandersaad
1 ml (1/4 t) fyn kaneel
5 ml (1 t) bruinsuiker
5 ml (1 t) gerasperde suurlemoenskil
30 ml (2 e) gekapte, vars pietersielie
10 ml (2 t) gekapte, vars kruisementblare
¾ pakkie (80 g) verskeidenheid slaaiblare en babaspinasieblare, gewas
2,5 ml (1/2 t) sout
Vars gemaalde swartpeper na smaak
Voorverhit die oond tot 200 °C. Plaas die gesnyde botterskorsie en soetrissie in ’n groot oondbraaipan en sit opsy terwyl jy die sous maak. Meng die olie, suurlemoensap, water en ál die speserye in ’n glasbak. Voeg suiker en suurlemoenskil by.
Giet die sous oor die botterskorsie en soetrissie en meng deeglik om die groente oraloor met die sous te bedek. Plaas in die oond en rooster vir 45 minute. Bedek en bak met foelie vir die eerste 20 minute. Rooster die oorblywende 25 minute onbedek. Voeg die gekapte, vars kruie by en meng net voor dit opgedien word.
Rangskik die slaaiblare en babaspinasieblare op ’n groot opdienbord of op ses individuele borde en rangskik die warm botterskorsie en soetrissie op die blare. Geur met sout en peper en sit voor as een van die groentesoorte van enige maaltyd.
Lewer ses porsies.
Landbouweekblad, 12 Maart 2010
Rotasie blok
- 2182 keer gelees
Geborgde skakels
Daaglikse nuusbrief
Weeklikse nuusbrief
Teken In
E-pos forum
Gewildste stories
Immergroen stories
Alle regte voorbehou. © Landbou.com 2011. In Suid-Afrika gepubliseer deur Media24
Web Development by FormFunction
Kommentaar
Lewer kommentaar. (Jy hoef nie ingeteken te wees nie.)