8 groot tamaties
150 g sagte bokmelkkaas
250 ml varswitbroodkrummels
1 eier
8 basielkruidblare, gekap
45 ml olyfolie
Sout en vars gemaalde swartpeper na smaak

Voorverhit die oond tot 190 °C. Sny die bokant van elke tamatie af en skep die pitte uit. Klop die bokmelkkaas, broodkrummels, eier, basielblare en tamatiepitte met 20 ml van die olyfolie tot goed gemeng en geur met sout en peper.

Pak die tamaties in ’n oondbak en geur die holtes met sout. Skep die vulsel in die hol tamaties en sit die bokante weer op. Drup die res van die olyfolie oor en bak vir 20 minute. Sit warm of teen kamertemperatuur voor met ’n kruieslaai. Lewer vier porsies.

15 Mei 2012