30 ml olyfolie
1 ui, grof gekap
1 knoffelhuisie, grof gekap
500 g maalvleis
Knippie neut
1 sny witbrood, gekrummel
Sout en varsgemaalde swartpeper
1 kg aartappels
Botter
1 eier
Sout en peper

Voorverhit die oond tot 180 °C en smeer ’n middelslag-oondbak. Verhit die olyfolie en braai die ui en knoffel vir ’n paar minute. Roer die maalvleis by en geur na smaak. Braai tot gaar en geurig.

Roer die broodkrummels by en skep in voorbereide oondbak. Skil intussen aartappels en kook tot gaar in ’n bietjie soutwater. Dreineer en druk aartappels fyn met ’n aartappeldrukker. Roer botter, eier en geurmiddels by en skep die fyn aartappels op die maalvleis. Bak vir 40 minute.

4 Augustus 2011