Maklike hoender met groente

Hoender en groente maak 'n maaltyd. Dié maklike geregte sal jy altyd weer wil voorsit.


color=blueviolet size=3>Hoender uit die vrieskas in die oond



Bedek bevrore hoenderstukke met poeiersop en laat dit in die oond bak. Leatitia Pienaar van Bloemfontein se resep is eenvoudig, maar heerlik.



2 kg bevrore hoender (borsies of dye)

1 pakkie soppoeier (tamatie, wituie of sampioen)*

appelkooskonfyt



Sous

10 ml tot 15 ml middelmatige kerrie

250 ml tot 435 ml mayonnaise

15 ml worcestersous

15 ml sojasous

bietjie pietersielie

125 ml blatjang

bietjie sout



Stel oond op 180°C. Rol hoenderstukke in soppoeier en plaas velkant na bo in 'n oondskottel.

Skep sowat 7,5 ml appelkooskonfyt op elke hoenderstuk.

Maak 'n sous van die res van die bestanddele. (Indien verkies, laat die sout weg.) Skep oor die hoender.

Bedek en bak tot sag en gaar. Verwyder deksel en laat bruin word.

Bedien met rys en groente of slaai. Die hoender is ook lekker wanneer dit koud bedien word.



* Of gebruik helfte van 'n pakkie elk van uie en sampioensop en strooi die res bo-oor die vleis.

Wenk: Hou by die goue reël om enige vleis eers skoon te maak en netjies te verpak voordat jy dit vries. Só spaar jy baie tyd.




color=crimson size=3>Geroosterde groente




Dié ongewone kombinasie van groentes maak die gereg soveel interessanter. En dit smaak sommer vorentoe!



3 middelslag patats

1 groot botterskorsie

3 huisies knoffel, gekneus

4 middelslag uie*

2,5 ml tiemie

100 ml olyfolie

sout en swartpeper

10-15 kersietamaties



Stel die oond op 220°C. Moenie patats en botterskorsie skil nie. Skrop patats, ontpit botterskorsie en sny dit in skywe (kyk foto). Skil uie en sny in kwarte. Meng al die bestanddele saam, behalwe die tamaties. Plaas in gesmeerde oondpan. Bak sowat 25 minute of soos verkies. Voeg dan die tamaties by en bak nog 'n bietjie.

Dien op saam met die hoenderstukke.



* Jy kan ook piekeluie gebruik. Skil dit af en rangskik heel tussen die ander groente.

13 September 2002