Pasta met varkworsies, blaarkool en kaassous

Sit die gekerfde kool in ’n bak en giet die kookwater oor. Laat staan vir 10 minute en dreineer. Terwyl die kool in die water staan, kook die pasta in ′n groot pot vinnig kokende soutwater (met ′n bietjie olie) tot sag, maar steeds ferm. Verhit die helfte van die olyfolie en braai die varkworsies tot gaar. Haal uit die pan en sny in stukkies.

Gooi die stukkies worsies terug in die pan saam met die res van die olie. Voeg die ui, knoffel en tiemie by en braai tot die ui sag is. Voeg die room by en laat opkook. Meng die pasta, kool en varkworsie-en-roommengsel saam in ’n oondvaste bak en voeg die kase en geurmiddels by. Meng deur en druk die bak vinnig onder ′n rooiwarm roosterelement tot die bokant goudbruin en borrelend is. Sit dadelik voor.

Lewer 6-8 porsies.

Landbouweekblad, 16 April 2010