Sardynbrijani

Keer die blik sardyne in ’n bak uit en breek in growwe stukke met ’n vurk. Kook die lensies in ’n pot met water vir 5 minute. Verwyder van die hitte en laat staan vir ’n uur om te week. Dreineer en spoel af met koue water. Kook aartappels in soutwater tot sag en dreineer. Verhit ’n bietjie olie in ’n kastrol en braai die ui en knoffel daarin tot sag. Verwyder van die hitte en roer die blatjang en tamaties by. Voeg die sardyne, lensies en aartappels by en geur goed met sout en peper. Meng alles liggies saam. Bedek en verhit tot deurwarm.

Puri: Sif die meel en sout saam. Meng die olie en water en voeg by om ’n sagte deeg te vorm. Knie vir sowat 10 minute op ’n meelbestrooide oppervlak tot glad en elasties. Verdeel die deeg in 12 ewe groot stukke en rol baie dun uit op ’n meelbestrooide oppervlak. Diepbraai in warm olie tot opgepof, bros en goudbruin. Dreineer op kombuispapier.

Sit die brijani met puri voor en garneer met koljanderblare.

Lewer ses porsies.

Landbouweekblad, 5 Maart 2010