Seekospastei met broodkors

Geur die vis met sout en peper. Verhit die helfte van die olie in ’n pan en braai die visblokkies daarin tot net-net gaar. Skep uit en hou eenkant. Verhit die res van die olie in dieselfde pan en braai die marinara-mengsel daarin tot net-net gaar. Voeg die visblokkies by en giet die witwyn oor. Laat opkook en kook vinnig vir een minuut. Skep uit.

Braai die ui en knoffel in die botter tot sag. Sprinkel die meel oor en laat opkook. Voeg die melk by en verhit tot kookpunt. Prut vir drie minute. Voeg die room en pietersielie by en roer deur. Voeg seekos-en-vismengsel by en geur na smaak met sout en peper. Skep in ’n oondvaste bak.

Voorverhit die oond tot 200 °C. Sny die Franse brood in dun skywe en smeer die snye aan albei kante met knoffelbotter. Pak snye bo-op die seekosvulsel sodat die snye oorvleuel. Bak vir 30 minute tot goudbruin en bros.

Lewer vier tot ses porsies.

Landbouweekblad, 23 Julie 2010