Steak met sampioen-bolaag

Vleis: Voorverhit die oond tot 220 °C. Smeer ’n bakplaat met olyfolie of spuit dit met kleefwerende kossproei. Bind tou rondom elke stuk vleis sodat dit regop kan staan en die vorm behou. Verf die vleis oraloor met Marmite.

Verhit ’n riffelpan en braai die vleis oor baie hoë hitte vir ongeveer drie minute aan elke kant, tot dit lig- of halfgaar is. Skep dit dan op ’n gesmeerde bakplaat en laat rus.

Sampioen-bolaag: Verhit die botter in ’n pan en braai die ui en knoffel vir ’n paar minute daarin. Roer die sampioene by en braai vir ongeveer vyf minute of tot droog. Geur met sout en peper. Skep die sampioenmengsel in ’n mengbak en roer die heelkorrelmosterd, mosterdpoeier, dubbeldik room en eier daarby in.

Meng goed. Skep die bolaag op die gebraaide steak en plaas dit in die oond vir 5-10 minute, of totdat die sampioen-bolaag gestol is. Sit voor met groente en romerige kapokaartappels of skyfies. Lewer twee porsies.

22 Februarie 2012