Vullende sop met pestobrood

Spoel die keker-ertjies of bone af, dreineer en hou eenkant. Braai die ui en seldery in die botter tot sag. Voeg die borrie en peper by en braai vir drie minute. Voeg die tamaties, kekerertjies, koljander of pietersielie, aftreksel en lensies by en verhit tot kookpunt. Prut sowat 1 uur tot die lensies baie sag gekook is en dit die sop begin verdik. Geur met sout na smaak. Sit voor met pestobrood (resep hieronder). Genoeg vir ses mense.

Jy kan die geblikte kekerertjies of bone met droë ertjies of bone vervang om die koste te verlaag. Week dit dan net oornag voor jy met die resep begin.

Pesto-roerbrood
Meng 500 ml bruismeel en 10 ml bakpoeier saam. Klits 6 eiers, 250 ml melk en 125 ml pesto saam. Roer 250 ml gerasperde cheddarkaas en 1 wiel gekrummelde fetakaas by. Voeg by die meelmengsel en skep in ’n uitgevoerde, gesmeerde broodpan. Bak in ’n voorverhitte oond by 150 °C vir ongeveer 1 uur tot deurgaar. Laat effens in die pan afkoel, keer uit en sit louwarm voor met botter. 

Die dis op die meegaande foto is vullende sop met pestobrood. Mnr. Neville Lockhart is die fotograaf met me. Christien Badenhorst as assistent.

Landbouweekblad, 31 Julie 2009