SA vrugtenavorser is tops

'n Belegging oor die afgelope 15 jaar deur die Suid-Afrikaanse sitrusbedryf werp nou vrugte van 'n internasionale kleur af. Een van die bedryf se topnavorsers, dr. Graham Barry, het pas een van die mees gesaghebbendste toekennings van die Amerikaanse Vereniging vir Hortologie (ASHS) gewen.

Die Uitstaande Vrugtepublikasie-toekenning vir 2004 is aan hom toegeken vir sy verhandeling Onderstam en plant water verhoudinge affekteer suiker akkumulasie van sitrusvrugte via osmotiese aanpassing.

Hierdie toekenning word gemaak uit alle referate oor vrugte wat in die Joernaal van die ASHS, HortScience en HortTechnology gepubliseer word. Dié publikasies is gesamentlik die belangrikste hortologiese joernale in Amerika sowel as internasionaal.

Barry het ook die Suid-Afrikaanse Vereniging vir Tuinbouwetenskappe se toekenning vir die beste referaat ontvang vir dieselfde verhandeling. Hy is as voltydse navorser deur die Citrus Research International (CRI) gesekondeer na die departement hortologie aan die Universiteit van Stellenbosch, waar hy vir die sitrusbedryf se kultivarontwikkelingsprogram verantwoordelik is.

3 Junie 2005