Senwes hernu homself

Senwes vier eersdaags sy honderdste bestaansjaar en stuur ook 'n nuwe beeld en strategie van stapel. Die maatskappy het nou 'n nuwe logo en wil homself as 'n ikoon in die landbousektor versterk.

Mnr. Johan Dique, die besturende direkteur van Senwes, sê "nuwe sub-handelsmerke is ontwikkel om 'n sterker fondasie vir Senwes se sukses, sowel as vir ons klante, te bewerkstellig. Die nuwe sub-handelsmerke - Senwes Grainlink, Senwes Village en Village Grocer - spruit voort uit die Senwes handelsmerk. Die sub-handelsmerke reflekteer die moderne wêreld terwyl dit ook ?n brug tussen die hede en verlede vorm".

Hy meen ook dat die maatskappy se suksesvolle korporatiewe transformasie in sy mense se "toegewydheid, vaardighede en ervaring" opgesluit is.

"Ons 100-jaar viering breek eersdaags aan. Wat 'n voorreg om na 100 jaar, as 'n standvastige en gerespekteerde Senwes, na ons aandeelhouers terug te keer. Ons sal altyd Senwes se erfenis met eer saamneem terwyl ons in 'n belangrike, nuwe rigting voortstap."

25 September 2008