Seyfferdt sterk tuis aan

Mnr. Martin Seyfferdt, vorige
rasdirekteur van die Santa Gertrudisgenootskap
wat in 'n motorkaping
in Bloemfontein geskiet
is, sterk tuis aan nadat hy
uit die hospitaal ontslaan is.

Seyfferdt, een van Suid-Afrika
se voorste beeskenners wat
al genooi is om oor die wêreld
heen op skoue te beoordeel, is
naby sy huis in die woonbuurt
Pellissier van sy Toyota Rav4-dieselvoertuig
beroof.

Die kapers het hom op die
grond laat kniel, geskop en 'n
wapen op hom gerig. Toe hy
met sy hand probeer keer, het
die skoot sy een vinger gebreek
en hom in die maag getref. Dokters
moes onder meer sy beskadigde dunderm heg.

27 Maart 2009