Skaapskeerders ding mee

Skaapskeerders van reg oor die wêreld trek van 2 tot 5 Oktober in Bjerkheim, Noorweë, saam om in hul weergawe van die Olimpiese Spele - die Golden Shears-wêreldskeerkampioenskap - mee te ding.

Suid-Afrikaanse skaapskeerders is gedug omdat dié land een van die min ter wêreld is waar skape nog oor die algemeen met die hand geskeer word. Die Australiërs, onder wie 19-jarige mnr. John Dalla en dié land se kampioen, mnr. David Neumann reken Suid-Afrika en Nieu-Seeland is hul sterkste kompetisie.

29 lande word vanjaar verteenwoordig en dit is die eerste jaar wat die kampioenskappe in 'n nie-Engelse land plaasvind. Deelnemers se spoed en higiëne is ter sprake en die een met die minste punte, wen.

Mnr. Zwelile Hans van Suid-Afrika en mnr. Piet Sekete van Lesotho neem ook deel. Dalk sal die manne dié jaar die beroemde mnr. Jackie Howe se rekord van 321 skape in agt ure - in 1892 gestel - kan breek.

Bron:

www.stuff.co.nz

The York Peninsula Country Times

ABC News

1 Oktober 2008