Toekennings vir LBW en LandbouBurger

Die Suid-Afrikaanse Wingerdbou- en Wynkundevereniging (SAWWV) het Media24 se publikasies Landbouweekblad en LandbouBurger, 'n bylaag in Die Burger, met 'n platinum-toekenning vereer vir hul bydrae om nuus en inligting oor die SAWWV en sy berywighede oor te dra.

Landbouweekblad en LandbouBurger het hul toekennings op 'n jaarlikse geselligheid van die SAWWV op Knorhoek, by Stellenbosch, ontvang. Die SA Vrugtejoernaal, die mondstuk van die sagte- en sitrusvrugtebedryf, is ook met 'n soortgelyke toekenning vereer.

Winetech, die wynbedryf se finansieringsliggaam, het by dieselfde geleentheid 'n diamant-toekenning ontvang vir die rol wat hy speel. Verskeie goue en silwertoekennings aan borge is ook gedoen.

2 Junie 2006