VL reg vir hofsaak oor grens

Vrystaat Landbou is gereed vir
sy hofstryd teen die Regering
oor die grenskrisis met Lesotho.

Volgens dié landbou-organisasie
versaak die Regering sy
verpligting om die veiligheid
van die Suid-Afrikaanse inwoners
te verseker.

Mnr. Louw Steytler, voorsitter
van Vrystaat Landbou, sê hofstukke
oor die grenskrisis met
Lesotho kan binne enkele dae
in die Vrystaatse Hooggeregshof
ingedien word.

Hy het ná 'n vergadering
van streeksverteenwoordigers
in Bloemfontein gesê Vrystaat
Landbou sal ook regsoptrede
oorweeg oor die ineenstorting
van openbare dienste as onderhandelinge
met die Vrystaatse
provinsiale leierskorps niks
oplewer nie.

Steytler sê sy organisasie
gaan eersdaags met mnr. Ace
Magashule, Vrystaatse leier van
die ANC, vergader oor onder
meer die komende verkiesing.

Steytler sê die politieke uitlatings
met rassistiese ondertone
ingevolge waarvan boere en die
landbou as 'n politieke speelbal
deur politici gebruik word, sal
nie geduld word nie.

Nog 'n kommerwekkende
aspek is die algehele agteruitgang
en ineenstorting van die
infrastruktuur op die platteland,
veral paaie.

2 Maart 2009