Vraag na kos sal aanhou groei

Die wêreld se vraag na voedsel sal aanhou groei ten spyte van die heersende finansiële krisis, sê Rabobank, die internasionale bank. Wêreldwye ekonomiese groei sal na verwagting vanjaar met 2,3% daal ná verlede jaar se daling van 3,9%.

Ontwikkelde lande het meer gely as ontwikkelende lande en mnr. Harry Smit van Rabobank se navorsingspan vir voedsel en agribesigheid sê die laasgenoemde sal aanhou groei, maar teen 'n stadiger pas. Voedselinflasie sal, volgens Smit, ook vanjaar noemenswaardig daal weens die vinnige daling in landboukommoditeitspryse in die afgelope maande.

Hy voeg by dat veranderinge in landboukommoditeitspryse nie altyd weens grondbeginsels voorkom nie, maar word eerder deur onverwagte en skielike ontwikkelings beïnvloed. 'n Voorbeeld hiervan is landbouprodusente se besluit om insetkoste te vries toe daar in die vorige seisoen 'n vinnige styging in die prys van soja- en mieliepryse voorgekom het. Dié produsente word nou steeds nie deur dalende insetkoste bevoordeel nie.

Laer winsmarges en onbestendigheid sal ook na verwagting beleggings in infrastruktuur en die landbou in die algemeen beperk. Dit sal 'n onderdrukkende uitwerking op voedselproduksie hê wat dit meer uitdagend sal maak om die wêreld te voer, sê Smit.

Bron:

Stock & Land (Stock & Land)

29 Januarie 2009