Vroue-landbouers in Limpopo vereer

Die voorsitter van TLU SA Noord, mnr. Dries Joubert, het die onderskeie kategoriewenners van die Vroueboer van die Jaar-kompetisie in die Limpopo-provinsie gelukgewens. Hy sê sulke kompetisies is belangrik om vroue te motiveer om in die kommersiële boerderybedryf betrokke te raak. Hy het terselftertyd die onderskeie wenners voorspoed toegewens en gesê dat hy hoop dat van hulle as nasionale wenners aangewys sal word en dat hulle die Limpopo provinsie trots sal maak.

Volgens Joubert was die gala-dinee 'n uitsonderlike geleentheid wat goed georganiseerd was. Hy het die department van landbou in die provinsie gelukgewens met dié geleentheid en die hoop uitgespreek dat meer vroue die kompetisie in die toekoms sal ondersteun.

Die topprodusent vir huishoudelike gebruik was me. Takalani Christinah Masetsho. terwyl die topprodusent vir die informele sektor die Ipopeng Fishery Company Cooperative was. Me. Esmé Read is as die topprodusent in die nasionale mark aangewys terwyl Makgoro Mannya & Kgwadu vir die Ditubatse Business Enterprise die toekenning as topprodusent vir die uitvoermark ontvang het.

Joubert sê dat voedselsekuriteit in die toekoms 'n al hoe groter rol in die land gaan speel en dat die inisiatief en harde werk van dié vroue hoop vir Suid Afrika gee.

23 Augustus 2007