Vroue, skryf nou in!

Suid-Afrika se beste vroulike wynmakers het nog net 'n maand oor om vir Landbouweekblad se Vrouewynmaker van die Jaar-kompetisie in te skryf. Hulle kan 'n reis na Bordeaux, Frankryk, wen.

Die wynmaker wat op 26 Julie tydens 'n galadinee by Spier met die prys wegstap, sal 'n topwynmaker wees, maar ook as wenner uit die stryd tree nadat sy beoordeel is op grond van haar algehele persoonlikheid, beskouing van die wynbedryf en loopbaandoelstellings. Vanjaar beoordeel mee. Norma Ratcliffe, Marilyn Cooper, Jo-Anne Mettler, Caroline Rillema en Eleonor Visser, wenner van die kompetisie in 2006, die wyn en voer onderhoude met die finaliste.

Die sluitingsdatum vir vanjaar se kompetisie is Maandag, 2 Julie.

Om deel te neem, moet wynmakers 'n inskrywingsvorm voltooi en aan Lorraine Immelman-Steyn by 039 314 9914 faks. Sy moet ook wyn, wat die beoordelaars 'n aanduiding gee van haar wynmaakvermoë, saam met die inskrywing aanstuur. Finaliste sal aangewys word nadat dié wyne beoordeel is.

Meer inligting en 'n inskrywingsvorm is beskikbaar op die webwerf www.sawinewoman.co.za.

Landbouweekblad, 1 Junie 2007