Waterregte onder die loep

Die Minister van Waterwese en Bosbou, me. Lindiwe Hendricks, is onbewus van Agri SA se beskuldigings dat haar departement voete sleep met die oordrag van waterverbruiksregte.

Die departement staan die vrye verhandeling van waterregte teen, het mnr. Johannes Möller, voorsitter van Agri SA gesê. Die departement grond sy teenkanting glo daarop dat die Waterwet waterreghervorming vereis.

Artikel 27 van dié wet verwys spesifiek daarna dat dit noodsaaklik is om die diskriminasie van die verlede reg te stel. Möller meen egter daar is genoeg water vir swart ekonomiese bemagtiging opsygesit en dat dit nie in die pad van die kommersiële landbou behoort te staan nie.

"Daar is tans meer as 100 gevalle landwyd waar boere nie toegelaat word om hul waterregte te verhandel nie." Hendricks blyk egter onbewus te wees van dié situasie.

Lees die volledige artikel in Landbouweekblad se uitgawe van 5 Desember 2008.

28 November 2008