Goeie reën vir vier weke

Reënbui. Foto: KOOT MARAIS

Dit was hoofsaaklik weidingsgebiede wat by die reën wat die afgelope tyd wyd oor die sentrale binneland voorgekom het, sal baat, sê mnr. Johan van den Berg van Santam se landbou-afdeling.

Hy sê die Suid-Vrystaat, wat veral die afgelope jaar of twee swak neerslae gekry het, het hierby gebaat. Buie van 50 mm tot 100 mm het meegehelp om die ondergrondse vog aan te vul.  Reën word vir die volgende vier weke voorspel wat die weidingstoestande verder kan bevoordeel.

Een punt van kommer is dat baie reën in September en Oktober dikwels ’n aanduiding is dat swakker reënvaltoestande in die tweede deel van die seisoen verwag kan word. Die afgelope tyd se goeie neerslae is reeds ’n aanduiding dat die verwagte El Niño-weerverskynsel goed ontwikkel het. Swaar reën in die lente en vroeë somer is tipies van El Niño.

14 Oktober 2009