Reënboog om die son?

‘n Vogkring sorg vir groot opwinding in veral Gauteng gesorg waar dit as ‘n “reënboog” om die son verskyn.

Mnr. Carl Loots van die Suid-Afrikaanse Weerdiens, sê dié kring vorm wanneer daar baie vog in die lug is. “Baie vog kom tans in die lug voor, veral van Mosambiek se kant af, wat veroorsaak dat die son se strale weerkaats, en dít vorm tans dié reënboog om son,” verduidelik hy.

Vooruitsigte vir reën
Volgens Loots is dié vogkring nie ‘n goeie teken dat reën op pad is nie. “Inteendeel, dit kan die kanse op die donderstorms wat vir later vanmiddag in die provinsie voorspel is, verlaag.”

Loots voorspel dat die vogkring binne die volgende twee ure kan opklaar.

1 November 2010