Wenkbroue gelig oor kunsmis

"In 2006 was daar altesame 166 kunsmisinvoerders in Suid-Afrika waarvan slegs 30 ingevolge wetgewing geregistreer was," sê mnr. Joe Hanekom, die besturende direkteur van Afri Compliance, 'n onafhanklike forensiese oudit- en markbeskermingsmaatskappy.

Hanekom, voormalige besturende direkteur van Agri Inspect, het tydens die Knoffelkonferensie by Roodeplaat naby Pretoria gesê 'n mens kan maar net dink aan die gevolge as jy probleme met kunsmis ondervind wat van 'n ongeregistreerde invoerder verkry is.

Die nuwe landboudienste-maatskappy beskik oor 'n nasionale infrastruktuur met beter kundigheid op die tegniese gebied sowel as wat wetstoepassing betref.

"Ons bied markbeskerming aan bedrywe deur pro-aktiewe optrede, maar kan selfs help met ander bedryfsfunksies soos die registrasie van middels ingevolge Wet 36," het Hanekom gesê.

19 Augustus 2008