Nuus

Ná jare se beplanning en maande se wag het die SKA-organisasie aangekondig dat Suid-Afrika en Australië dié teleskoop sal deel.

Lekkerlees

My Weer

Kaapstad

Sondag
Sonskyn
Hoog:20 C
Laag:9 C

Maandag
Gedeeltelik bewolk
Hoog:20 C
Laag:9 C

Dinsdag
Kans op reën
Hoog:18 C
Laag:10 C

Sonsopkoms: 7:39

Sonsondergang: 17:45

Kaapstad

Bygewerk:	27 May 05:00 IDT
Temp:
Druk:
Doupunt:
Humiditeit:	76%
Wind:

Kaapstad

Peiling

Wolprys kan redelik herstel

JOHAN COETSEE

Op die kort tot mediumtermyn is daar 'n redelike kans dat wolpryse matig kan herstel, maar geen dramatiese stygings word verwag nie.

Die wisselkoers in Australië en plaaslik sal 'n bepalende rol speel, het mnr. André Strydom, hoof uitvoerende beampte van Cape Wools, op die Noord-Kaapse tak van die NWKV se kongres op Melton Wold, naby Victoria-Wes, gesê.

Op die langer termyn is vraagskepping nou belangriker en verbruikers se behoeftes moet bevredig word met geskikte produkte.

Hy het gesê die huidige gemiddelde prys vir die seisoen tot 9 Februarie vanjaar is R25,98/kg vir skoonwol teenoor 'n gemiddeld van R30,85/kg verlede seisoen en R43,26/kg in 2002/03.

Redes vir dié daling is:

Die wêreldprys het nie in 2004 gestyg nie, so ook nie kommoditeitspryse nie.

Die Amerikaanse dollar het verswak teenoor die meeste geldeenhede, ook die rand.

As die Australiese dollar (A$) sterk bly teenoor die Amerikaanse dollar, sal wêreldpryse onder druk bly. Dit is een van die faktore wat die wolprys in die res van die jaar sal beïnvloed.

China is verreweg die grootste invoerder van Australiese wol en omdat die Chinese yuan aan die Amerikaanse geldeenheid gekoppel is, demp 'n swak dollar die koopkrag van Chinese invoerders. Met die onlangs aangekondigde vrye handelsooreenkoms tussen China en Australië behoort die administratiewe rompslomp oor kwotas en permitte uitgefaseer te word, wat die wêreldprys sal bevoordeel.

Om die gemiddelde prys van die vorige seisoen te haal (en as net op wisselkoers staat gemaak word), sal die rand met 18 % tot 20 % moet verswak — wat onwaarskynlik is. Dus is 'n oplewing in die vraag vir 'n goeie eindproduk is die sleutel tot beter pryse.

Hoë oliepryse het gewoonlik 'n onregstreekste nadelige invloed op verbruikersvertroue. Hoë oliepryse kan ook ongunstig inwerk op ekonomiese groei in verbruikerslande, want goeie ekonomiese groei is regstreeks aan wolverbruik verbind.

In Europa is werkloosheid 'n probleem die euro bly sterk teenoor die Amerikaanse dollar. Dit stel 'n verwagte styging in die groeikoers van net 1,9 % vir vanjaar teenoor 2,2 % in 2004 in die vooruitsig.

Nog 'n faktor wat die wolprys sal beïnvloed is dat daar 'n internasionale leemte ontstaan het nadat deurlopende wolbevordering onder veral jong verbruikers agterweë geraak het. Die leemte ten opsigte van die ontwikkeling en bemarking van moderne produkte in samewerking met die kleinhandel, is nog nie werklik gevul nie. 'n Debat is in Australië aan die gang of 'n deel van dié land se heffing, wat net vir navorsing gebruik word, aan die Woolmark Company gegee word.

Strydom sê daar is gunstige tekens vir 'n verbetering in die wêreldwye vraag en pryse vanjaar. Weens hoë oliepryse styg die koste van produksiemiddele vir kunsvesels en beweeg die prysverhouding tussen wol en kunsvesel in die guns van wol. Poliëster en akrielvesel is tans 25 % duurder as in Januarie verlede jaar.

Daar is ook tekens van 'n oplewing in die spin- en weefsektor, maar voorrade moet eers weggewerk word voor dit op die kamsektor 'n gunstige invloed sal hê. 'n Matige herstel van die Amerikaanse dollar kan ook help om die prys in die tweede helfte van vanjaar te laat herstel.

Daar is geen ooraanbod van wol in die wêreld nie. Ondanks 'n verwagte matige styging van 2,5 % in Australiese wolproduksie in 2004/05, sal die verwagte totale internasionale produksie met net sowat 0,7 % styg.

Groot veranderings in die internasionale handelspatrone vir wolprodukte kan kostes bevoordeel — wat eindprodukte goedkoper maak — namate kwotas en tariefbeskerming uitgefaseer word. China sal die groot wenner wees — nie net met groter uitvoere nie, maar weens sterk groei in die binnelandse verbruik van wolprodukte in China self.

Wol is nou relatief goedkoop vir Europeërs en word selfs as 'n winskopie gesien. Dit laat ruimte vir 'n groter vraag.

11 Maart 2005