AFGRI
BEAN
03 Okt
-
9080
-304,00
CORN
03 Okt
-
4881
84,00
SOYA
03 Okt
-
9369,8
-117,20
SUNS
03 Okt
-
10190
-62,00
WEAT
03 Okt
-
7199
84,00
WMAZ
03 Okt
-
4987
59,00
YMAZ
03 Okt
-
4926,2
38,20
AMT
Ave Wool - Non RWS
16 Sep
-
166,31
6,51
Ave Wool - RWS
16 Sep
-
174,76
6,49
Beeste A2/3
23 Sep
-
61,35
1,18
Beeste AB2/3
23 Sep
-
57,52
-0,90
Beeste B2/3
23 Sep
-
54,36
-0,62
Beeste C2/3
23 Sep
-
49,33
-0,16
Bevrore Hoender
23 Sep
-
31,03
-0,42
Bokkies (onder 30 kg)
23 Sep
-
57,41
-12,27
Bokooie
23 Sep
-
42,5
-8,01
Groot (meer as 40 kg)
23 Sep
-
38,24
-2,32
Hoender (IQF)
23 Sep
-
29,75
-0,04
Medium (30-40kg)
23 Sep
-
43,05
-10,82
Pork Average
23 Sep
-
27,56
-0,96
Poultry Average
23 Sep
-
31,18
-0,26
Skaap A2/3
23 Sep
-
92,76
0,71
Skaap AB2/3
23 Sep
-
83,09
1,25
Skaap B2/3
23 Sep
-
79,11
2,51
Skaap C2/3
23 Sep
-
74,59
1,26
Speenkalf
23 Sep
-
38,25
-0,40
Spekvarke
23 Sep
-
28,73
-0,85
Stoorlammers
23 Sep
-
42,92
0,48
Varkwors
23 Sep
-
22,57
-0,30
Vars Hoender
23 Sep
-
32,75
-0,34
Vleisvarke
23 Sep
-
27,45
-0,93

Nuwe luisbestande lusern eg Suid-Afrikaans

'n Splinternuwe, luisbestande Suid-Afrikaanse lusernkultivar, SA Select, se teelproses is pas afgehandel en saad sal binne die volgende twee jaar kommersieel beskikbaar wees. Die bestuurder van die Lusernsaad-organisasie, asook die teler vertel meer van diekultivar - die eerste volbloed-kultivar wat in Suid-Afrika geteel is.

'n Splinternuwe, luisbestande Suid-Afrikaanse lusernkultivar, SA Select,

se teelproses is pas afgehandel en saad sal binne die volgende twee jaar

kommersieel beskikbaar wees. Die bestuurder van die Lusernsaad-organisasie,

asook die teler vertel meer van diekultivar - die eerste volbloed-kultivar wat

in Suid-Afrika geteel is.

Die lusernkultivar SA Select word beskou as een van die Lusernsaad-organisasie (LSO) se groot suksesverhale in die afgelope tyd. Wat dit nóg belangriker maak, is dat dit 'n verbetering is op die bekende SA Standaard waaruit dit geteel is. Dienuweling is matig tot grootliks bestand teen luise - 'n faktor wat 'n groot tekortkoming by SA Standaard was.

Mnr. Derick Engelbrecht, bestuurder van die LSO op Oudtshoorn, sê SA Select is deur dr. Albert Smith van die LNR se Instituut vir Veld en Weiding op Roodeplaat uit SA Standaard geteel. SA Standaard is 'n landras en het sy oorsprong in die Karoo, waarskynlik deur herhaalde natuurlike kombinasie-seleksies van die Chinese, Hunters River- en Provence-genotipes. Dit het gepaardgegaan met opvolgende natuurlike seleksiedruk vir die beste aangepaste plante.

Daar was destyds geen georganiseerde kruisingsprogram in die ontwikkeling van SA Standaard nie. Daar kan egter aanvaar word dat geharde en aangepaste plante van die genoemde drie kultivars saad gevorm het wat deur uitruiling tussen boere saamgevoeg is om die kultivar te kon vorm.

Weidingsdruk is deur verskillende diere - van volstruise tot skape en beeste - toegepas in die verskillende streke waar SA Standaard verbou is. Weens die uiterste klimaat in sekere dele is daar dikwels voertekorte ondervind, wat die druk op die kultivar vererger het.

Dr. Smith sê hoewel daar glo nog suiwer voorbeelde van die Chinese en Hunters River-genotipe by enkele boere voorkom, onder meer in die distrikte van Oudtshoorn, Calvinia, Sutherland en Upington, was dit net moontlik om enkele sulke bronne op te spoor. 'n Probleem is dat daar geen outentieke beskrywing van dieplante bestaan nie.

'n Ondersoek na die bestaande genetiese voorbeelde het gehelp om die oorsprong van SA Standaard te verklaar. Só het dit byvoorbeeld duidelik geword dat veral die Chinese genotipe, 'n relatief robuuste plant met hol stingels, 'n goeie bydrae gelewer het tot die opbrengsvermoë van SA Standaard. Dieeienskap kon dalk met CUF 101 verwar word. Die Chinese genotipe se sterk ontwikkelde wortelstelsel het ook bygedra tot die baie goeie droogteweerstand wat van SA Standaard 'n wenner gemaak het.

Die herhaalde siklusse van kruisings en saadvermenging weens die beperkte aantal geregistreerde saadskoonmakers in die land het daartoe gelei dat SA Standaard oor groot dele van die land aan talle siektetoestande blootgestel is. Hierdeur het SA Standaard 'n sterk weerstand teen die Suid-Afrikaanse wortelsiekte-kompleks ontwikkel.

Met die ondersoeke kon ook vasgestel word dat sommige van die plante wat meer as 20 jaar oud is, 'n lae voorkoms van wortelsiekte toon teenoor ander ingevoerde kultivars, sê mnr. Engelbrecht.

Lusernluise was egter 'n probleem. Omdat daar geen lusernluise in Suid-Afrika voorgekom het in die jare waarin SA Stan-daard ontwikkel is nie, het diekultivar min weerstand teen lusernluise gebied.

Dít is waar die nuwe SA Select 'n belangrike rol kan speel, meen mnr. Engelbrecht. Dienuweling is regstreeks uit suiwer bronne van SA Standaard geselekteer en is deur die LNR se Instituut vir Veld en Weiding ontwikkel op versoek van die LSO.

Volgens die oorspronklike teeldoelwitte is SA Standaard gebruik as die uitsluitlike ouer. Daar is probeer om luisbestandheid in te teel sonder om die voordelige eienskappe van SA Standaard prys te gee.

Om seker te maak dat SA Standaard se voortreflike eienskappe behou en selfs versterk word, is suiwer bronne van diekultivar geïdentifiseer, versamel en gebruik om 'n hektaar weiding by Roodeplaat te vestig. Van 1993 tot 1996 is diehektaar onder hoë druk bewei teen 30 skape per hektaar.

In 1996 is daar uit dieaanplanting 400 plante versamel wat belowend gelyk het. By nadere ondersoek het dit geblyk dat hulle hul bestandheid teen wortelsiektes (soos diewat op Roodeplaat voorkom) behou het. Die plante is in kruisingsblokke gevestig, vanwaar saad gekry is wat op hul beurt vir bestandheid teen blougroenluis, ertjieluis en die gespikkelde lusernluis geselekteer is.

In die toetse is die weerstand wat die saad teen die blougroenluis en ertjieluis gebied het, van 27 % tot 67 % verhoog, terwyl die weerstand teen die gespikkelde luis wel verhoog is, maar net tot 'n gematigde weerstand, sê dr. Smith.

Die geselekteerde saad is in isolasie by Roodeplaat as voortelersaad van die nuwe kultivar geproduseer.

Dr. Smith sê SA Select is naby verwant aan SA Standaard ten opsigte van gebruike en aanpassing, maar weens die uitsonderlik hoë weidingsdruk wat in die seleksieproses gebruik is, mag dit selfs meer bestand teen beweiding wees. Daar het egter geen verlaging in dormansie plaasgevind nie.

"Die belangrikste is egter dat SA Select heelwat meer bestand is teen luise, en dít vul die leemte wat by SA Standaard voorgekom het," sê hy.

Mnr. Engelbrecht sê met die vrystelling van diekultivar betree Suid-Afrika die unieke veld van moontlike lusernuitvoer, want SA Select sal net as 'n gesertifiseerde saad geproduseer en beskikbaar wees. Omdat dit 'n beweidingskultivar is, behoort dit veral met welslae met ander oorsese kultivars te kan meeding.

Die LSO is besig om 'n sentrale gesagstruktuur vir die lusernbedryf in Suid-Afrika tot stand te bring. Dit sal beteken dat navorsing meer doelgerig gedoen kan word en beter ondersteun sal word. Die moontlikheid van 'n nasionale lusern-evaluasieproef word byvoorbeeld ondersoek. Dit sal produsente 'n aanduiding gee van watter kultivars die beste vir hul omgewings aangepas is.

Kenmerke van SA Select

Die nuwe lusernkultivar, SA Select, kan soos

volg beskryf word:

  • Planthoogte: Gemiddeld, as dit met ander plaaslike kultivars vergelyk

    word. Die hoogte wissel van 668 mm met knopvorming, tot 837 mm met eerste

    blomvorming en 896 mm met tweede blomvorming.

  • Blomkleur: Die blomme is gewoonlik lig- tot donkerblou, met min donkerpers

    blomme. Daar is gewoonlik min tot geen blomme met gestreepte kleure nie en

    geen wit of geel blomme nie.

  • Stingeldikte: In die algemeen is diekultivar dunstammig, maar weens die

    invloed van die Chinese genotipe kom daar wel in gunstige toestande dik, hol

    stingels voor, soos by SA Standaard.

  • Kroon: Een van die belangrikste eienskappe van SA Standaard wat ook by SA

    Select voorkom, is die plasing van die kroon. Die ondergrondse kroon is 'n

    genetiese eienskap wat 'n besondere weidingsbestandheid aan diekultivar gee.

    Krone van 40 mm tot 70 mm onder die grond en stingels vorm die kroon.

  • Blare: Die blare is lig- tot mediumgroen, maar effens donkerder as dievan

    SA Standaard. Die blare is relatief dun, met die lengte van die middelste

    blaartjie gemiddeld 295 mm en 145 mm breed.

Verspreiders

Die Lusernsaad-organisasie is die eienaar en lisensiehouer van planttelersregte vir SA Select. Diekultivar sal met sub-lisensies vanaf Maart 2005 deur die volgende ondernemings versprei word: Klein Karoo Saad Beherend en Welverwacht Saad op Oudtshoorn, Wes-Karoo Koöperasie en Diepdrift Saad op Calvinia, en Agricol (Edms.) Bpk., Brackenfell, Kaapstad.

27 Junie 2003

Boer vooruit met ’n Landbou.com-intekening
Teken in op Landbou.com teen R149 per maand en kry toegang tot gehalte-joernalistiek, alle landboutydskrifte, Landbouweekliks-episodes, boeke en baie meer.
Teken in
Smalls

Besoek ons geklassifiseerde advertensies en plaas jou advertensie in Landbouweekblad én aanlyn. Vind ook vinnig en maklik die produk waarna jy soek!

Sien meer
Rand - Dollar
17.85
+1.2%
Rand - Pond
20.23
-0.3%
Rand - Euro
17.53
+0.9%
Rand - Aus dollar
11.60
-0.2%
Rand - Jen
0.12
+1.1%
Goud
1,689.34
+1.7%
Silwer
20.36
+7.0%
Palladium
2,248.50
+3.8%
Platinum
900.50
+4.2%
Brent-ruolie
85.14
-2.4%
Top-40
57,833
+0.8%
Alle aandele
64,220
+0.8%
Hulpbronne 10
61,626
+2.3%
Industriële 25
77,544
+0.2%
Finansiële 15
13,799
+0.0%
Alle JSE-data is met minstens 15 minute vertraag Iress logo
Besoek ons winkel!

Besoek die LBW-winkel en koop verskillende produkte soos boeke, tydskrifte, klere en meer.

Besoek LBW-winkel
Opsitkers
Boerseun soek na liefde
Ek is a baie spontane ,liefdevolle mens hou van mense om mee te komenikeeren soek na die liefde van my lewe om saam my op die plaas te kan kom bly
Boeremeisie wat nie in die stad sal aard nie
Ek is n kind van God, n ekstrovert wat n sagte hart het. Ek hou van dans, vis vang, grond onder my voete en die buitelewe. Ek is op my gelukkigste in my skaapkraal. Ek is...
Vind jou perfekte maat nou!
Ek is 'n:
Op soek na:
Ouderdomsgroep: tot