Sowat 90% van die blaasstene wat ons in die praktyk diagnoseer, ontstaan as gevolg van die uiters alkaliese urine wat vorm wanneer ureum saam met meer fosfaat gevoer word. By die dierehospitaal het ons diere met stene met ammoniumchloried behandel.
Dit duur 48 uur voor die pH van die urine afneem van 7 of 8 tot 6, wanneer die stene sal oplos. As die voer van ureum steeds aangaan, maak ammoniumchloried baie min verskil. Nie net ureum kan die pH verhoog nie. Dit gebeur ook op lusernlande en waar die lande met stikstof bemes word.
Ramme met alkaliese urine lyk ongemaklik en is geneig om nie vrylik te urineer nie. Hulle loop dikwels “versigtig”. Wanneer jy die voeding só bestuur dat die urine weer suur word, is die ramme gemakliker. Die retensie van urine kan ook tot die vorming van kristalle lei.
