Met dit in gedagte het die kundiges by die Afrika-slangbytinstituut (ASI) ligte kamaste ontwikkel wat gemaklik is om te dra, terwyl hul steeds ’n mens se onderbene doeltreffend teen slangbyte beskerm.
Elke Trots Suid-Afrikaaans ASI Lightweight Snake Gaiter weeg 220 g, is 38 cm lank, en is buigsaam genoeg sodat jy maklik kan loop terwyl jy dit dra. Die buitelaag is gemaak van Riptech-materiaal wat waterbestand en ontwerp is om die strawwe klimaat van Afrika te weerstaan.
Die binnekant bestaan uit twee lae Du Pont Kevlar-mikrofilamentgare. Hierdie fyngeweefde materiaal bied uitsonderlike beskerming teen fragmentasie en slange se tande kan dit nie deurdring nie.
