Dit is ontwikkel deur die Nanyang Universiteit van Tegnologie en ’n hoenderprodusent van dié Asiatiese land. Die keratien in hoendervere word herwin om biodegradeerbare eierbokse te maak, pleks dat die vere in hope verbrand of op rommelhope sou beland.
Dié materiaal is sterker en buigbaarder as eierhouers wat van sintetiese polimere afkomstig van petroleumolie gemaak word, en ook ekovriendeliker om te vervaardig.
Só sê die navorsingspan in ’n verklaring op die webblad AlphaGalileo.com. Hulle het ook ’n proses ontwikkel waardeur hoenderbloed en ander hoenderreste gebruik kan word om sel-gebaseerde vleis te kan produseer.
