HANNES HORN, Steytlerville, skryf: Baie dankie aan die span van Landbouweekblad en die borg, Eerste Nasionale Bank, vir die dag by ons op Steytlerville. Ons het dit geniet en het die insiggewende praatjies nodig gehad.
Ons verstaan die nuwe rigting wat ons studiegroep moet inslaan. Ons het deur die droogte baie hulp van fantastiese mense ontvang – hoofsaaklik individue, maar ook besighede – maar dit gaan gebeur dat ons ná die droogte gelos gaan word.
Daar is kos op die veld, maar dit het nie geld gereën nie. Die manne is eintlik nog net so in die knyp. Daar is ten minste lig in die tonnel. Ons almal se bestuur, denke en boerderypatrone gaan nou aanpas. Hierdie bossiedag was ’n ratverwisseling wat ons opreg waardeer.
