Die Highlander Cabar-houtstofie is op stappers gemik. Dit is lig om saam te dra, neem omtrent net soveel plek soos ’n 230 g-gasblikkie (8 cm x 15 cm) as dit opgevou is, en weeg net 380 g.
Die stofie bestaan uit vyf dele van vleklose staal wat inmekaar pas wanneer dit opgevou is. Om dit te gebruik, stapel ’n mens die passtukke op mekaar en gooi die stofie vol houtstukkies.
Die dubbelwand-vuurmaakplek verseker optimale lugvloei en vinnige hitte. Jy breek eenvoudig ’n paar droë takkies in klein stukkies wat die vuurgedeelte vol maak, en steek dit aan die brand.
