Swartwattel-(Acacia mearnsii), bloekom-(Eucalyptusspesies) en dennebome (verskeie Pinus-spesies) beslaan die grootste oppervlakte.
Die fynbosbioom word die ergste geraak, gevolg deur die grasveld- en savanna-biome. Dit blyk uit navorsing wat dr. Ian Kotze van die departement bos-en-houtwetenskap in die fakulteit landbouwetenskappe aan die Universiteit Stellenbosch (US) gedoen het as deel van sy doktorale studie.
Kotze het ’n wetenskaplik akkurate, kostedoeltreffende en streng statistiese monitormetode ontwikkel om die omvang van uitheemse indringerplante in Suid-Afrika te bepaal, asook om vas te stel hoe volop dié plante voorkom.
