Dié beesras se vleis is tydens die Ultimate Beef Club se 10de proesessie voorgesit. Dit is ook die ras se vleis wat in Oktober op die restaurant se spyskaart was. “Die vleis het mense gaande. Hulle is veral erg oor die lendeskyf en ribkruisskyf-snitte,” vertel Maresch.
Die gewildheid van die klub het aansienlik toegeneem sedert die begin van die jaar, met die 400ste lid wat onlangs geregistreer is. Maresch het, soos gewoonlik, gaste met ’n unieke voorgereg verras. Dié slag is die vleis van die maermerries van Sussex-beeste vir 24 uur lank in bier gekook en toe in jaffels bedien. “Ek reken jaffels gaan die toekomstige gunsteling-peuselhappie in kroeë word,” vertel Maresch.
Liefhebbers van beesvleis
Volgens mnr. James Stephen, ’n raadslid van die Sussex-telersgenootskap en ’n boer van Vrede, word Sussex-beeste gereeld met Bonsmaras, Afrikaners en Drakensbergers gekruis, omdat dit die groei en gehalte van dié rasse verbeter. Hy beskryf Sussex-beeste as baie rustige beeste wat ’n plesier is om mee te werk.
Die boere teenwoordig, asook liefhebbers van beesvleis, het met ’n luide handeklap hul dank teenoor Maresch vir die klub asook die idee agter die Ultimate Beef-kompetisie ? wat gestig is om die gebruik van beesvleis te bevorder ? betuig.
Talle proeërs het tydens die geleentheid aangedui dat die lendeskyf die beste is wat hulle nóg tydens een van die tien proeë teëgekom het. Volgens die statistiek wat hulle ingevul het, is die ribkruisskyf egter as die gewildste snit van die dag aangewys. Dit het 82% gekry vir smaak, terwyl die punte vir die sagtheid en smaak daarvan 78% is.
* Kontak Maresch by steve@localgrill.co.za
