AFGRI
BEAN
02 Feb
-
9604
-189,00
CORN
02 Feb
-
4550,4
-19,60
SOYA
02 Feb
-
8815
-94,00
SUNS
02 Feb
-
11369,8
71,80
WEAT
02 Feb
-
6722
-47,00
WMAZ
02 Feb
-
4298,6
-13,40
YMAZ
02 Feb
-
4419
-26,00

Senwes gerat vir goeie landboujaar

akkreditasie
0:00
play article
Intekenare kan na hierdie artikel luister
Die landboumaatskappy Senwes se hoofkantoor op Klerksdorp. Foto: LBW-argief
Die landboumaatskappy Senwes se hoofkantoor op Klerksdorp. Foto: LBW-argief
Verskeie faktore het bygedra tot Senwes se rekordresultate vir die eerste ses maande van sy boekjaar.

Die landboureus Senwes se rekordresultate vir die ses maande tot einde Oktober is nie net aan ’n goeie landboujaar toe te skryf nie. Die maatskappy begin nou voordeel trek uit onlangse verkrygings en sy samesmelting met Suidwes.

Senwes is een van die voorste landboumaatskappye in Suid-Afrika met belange in verskeie van die landbouwaardeketting se skakels. Sowat die helfte van Senwes se klantebasis is boere, maar die ander 50% op ’n volumebasis is die verdere verwerkers van graanhulpbronne, soos meulenaars of olieperse. Hy bedryf sake in sewe van die nege provinsies met ’n teenwoordigheid in meer as 300 plattelandse gemeenskappe. Met verloop van tyd het die onderneming oor verskeie platforms heen gediversifiseeer: geografies, hulpbrongewys en deur sy handelsmerke en klantebasis uit te brei.

Die groep se omset het in die oorsigtydperk met 47,8% tot R5,2 miljard gestyg, terwyl sy verdienste voor rente, depresiasie en amortisasie van R511 miljoen tot R533 miljoen toegeneem het. Wesensverdienste het sy vorige rekordlopie van R224 miljoen met 35,3% tot R303 miljoen oorskry. Kontantvloei gegenereer uit bedryfsaktiwiteite beloop R548 miljoen. Dit is 24,5% hoër as die R440 miljoen wat in die oorstemmende tydperk van die vorige boekjaar gegenereer is.

’n Wins toeskryfbaar aan ekwiteitshouers van die houermaatskappy van R302 miljoen is gelewer vir die ses maande geëindig op 31 Oktober 2021. Dit is ’n styging van 7,5% vanaf die R281 miljoen van die ooreenstemmende tydperk van die vorige jaar.

“ ’n Uitsonderlike landbouproduksie- en kommoditeitspryssiklus, tesame met die ontsluiting van sinergieë uit samesmeltings en die herorganisasie van die groep se sakemodel, het rekordresultate vir die eerste ses maande van die boekjaar tot gevolg gehad,” sê mnr. Francois Strydom, uitvoerende hoof van Senwes.

Die groep het ’n tussentydse dividend van 34c per aandeel (2020: 32c) verklaar.

Vooruitsigte

Strydom verwag dat hoë reënval en gunstige grondvogvlakke ’n goeie seisoen tot gevolg behoort te hê. Hy voorsien dat graanuitvoer sal toeneem, wat waarskynlik laer graanoordragvoorraad vir die volgende seisoen tot gevolg sal hê.

“Senwes is daartoe verbind om sy strategiese diversifikasie na laerrisikomarkte voort te sit,” sê Strydom. Hy wys daarop dat die landbousektor, nes enige ander hulpbronsektor, siklies presteer en op die oomblik ’n goeie siklus beleef. Elke inset se siklus lyk anders en word deur ander faktore beïnvloed. Daar is tans probleme soos die uitermate hoë pryse vir hulpbronne soos kunsmis, chemikalië en brandstof.

Strydom noem ook die probleme in die internasionale voorsieningskettings wat beteken dat al die belanghebbendes in die voorsieningsketting ’n bietjie meer voorraad dra net om sekerheid te kry. Dit geld ook ’n onderneming soos Senwes en dit skep bykomende koste net om te sorg dat sy verkoopsvolumes nie deur tekorte in die wiele gery word nie.

Senwes, wat op die ZAR-X-beurs genoteer was, is genoodsaak om sy notering te beëindig nadat die Gedragsowerheid vir die Finansiële Sektor ZAR-X se lisensievoorwaardes in Augustus 2021 opgeskort het. Sedertdien word Senwes se aandele oor die toonbank verhandel.

“Op lang termyn wil ’n mens ’n meer verhandelbare omgewing skep en dit is nie noodwendig dat dit net ’n genoteerde oplossing is nie,” sê Strydom. Die direksie kyk na al die aspekte, ook na Senwes se huidige aandeelhoudingstruktuur, en sal in die eerste helfte van 2022 besluite hieroor kommunikeer.
Boer vooruit met ’n Landbou.com-intekening
Teken in op Landbou.com teen R149 per maand en kry toegang tot gehalte-joernalistiek, alle landboutydskrifte, Landbouweekliks-episodes, boeke en baie meer.
Teken in
Smalls

Besoek ons nuwe webwerf vir geklassifiseerde advertensies en plaas jou advertensie in LBW én aanlyn. Vind ook vinnig en maklik die produk waarna jy soek!

Sien meer
Rand - Dollar
17.03
+0.1%
Rand - Pond
20.93
+0.8%
Rand - Euro
18.72
+0.1%
Rand - Aus dollar
12.14
+0.2%
Rand - Jen
0.13
-0.0%
Platinum
1,022.62
+1.1%
Palladium
1,676.57
+0.4%
Goud
1,954.56
+0.2%
Silwer
24.45
+2.0%
Brent-ruolie
82.84
-3.2%
Top-40
73,805
+0.1%
Alle aandele
79,978
+0.2%
Hulpbronne 10
75,070
-0.1%
Industriële 25
102,781
+0.3%
Finansiële 15
16,589
+0.2%
Alle JSE-data is met minstens 15 minute vertraag Iress logo
Besoek ons winkel!

Besoek die LBW-winkel en koop verskillende produkte soos boeke, tydskrifte, klere en meer.

Besoek LBW-winkel
Opsitkers
Lewenslustige man
Lewenslustige persoon wat hou van nuwe ondekkings/uitdaging s. Christenskap is baie belangrik vir my. Eerlikheid en opregtheid baie belangrik. Lief vir my Afrikaner nasie. Mal...
As jy nie probeer nie sal jy nooit weet nie...¹
LOVE my honde en my kinders. My siels vriende is vir my baie belangrik. Ek steur my nie aan drama nie. Haat shopping centres met ń passie. Alryd aan die kook, bak en...
Vind jou perfekte maat nou!
Ek is 'n:
Op soek na:
Ouderdomsgroep: tot