Dit is geïnspireer deur ons kinders en hul vreugde om die eiers uit te haal wat ons paar henne destyds gelê het. Ons het ook besef daar is ’n groeiende vraag na gesonder kos wat volgens natuurliker en meer etiese metodes geproduseer word.
Solitaire Free Range Farms bied ’n alternatief vir die meer tradisionele boerderymetodes wat fabriekshokke behels.
Die hoenders is vry en hulle ervaar minder stres, daarom is die henne gesonder en hul eiers beter. Ons handelsmerk weerspieël gehalte, varsheid en bestendigheid. Ons klantebasis groei voortdurend. Dit sluit sjefs en foodies in wat waarde heg aan gehalte.
